Haiku 8

descenso à iauga
e no fundo do abismo
sinto o baleiro

Primeiros versos de Luz

Agarimo os teus cabelos mouros
alumeados por brilhos de prata
e a Luz boura

Pérdome no teu olhar feiticeiro,
pícaro, olhar calmo e nidio
e a Luz boura

Alédasme a ialma cando ríes
e a Lúa enche as minhas sombras
e a Luz boura

Haiku 7

mañá en penumbra
pois calmo é o silencio
entre a néboa

Non esquezo...

Como pasa o tempo...
aínda así lembro e relembro
as conversas, os viños e os paseos pola Ribeira.

Como pasa o tempo...
ás veces esquézome deste día,
mais iso non significa que me esqueza dos sorrisos

Como pasa o tempo...
mais sempre nos quedará Roma
ou a fermosa Florencia

Haiku 6

na mañá choiva
e abellas zumbonas
cheiro a lavanda

noite de defuntos

...e o labirinto abriu as súas portas
cara as profundidades ateigadas
de medos e misterios
sons da noite e ollares lastimeiros...

Orballo

erguinme no cheiro da túa compaña
que acalmou o adormecido brazo magoado
aínda a noite rexía no mundo
aínda os paxaros non deixaran o niño...

os meus pasos soaron doces
sobor a húmida terra vizosa
aínda sentía o abafo onírico
aínda o raposo andaba á procura...

soaron os acordes antigos
nun vello cravo ben tanguido
aínda as luces eléctricas mancaban os ollos
aínda o galo non saudara o sol...

...mais o orballo alegroume a faciana